เนื้อเพลง ชีวิตอ้ายอยู่ในกำมือเจ้า - บอย วัชระ

เฮ็ดกับอ้ายจั่งซี่คิดดีแล้วบ่
บอกคนใหม่ให้รอ จักหน่อยได้บ่นาง
พอได้ย่างเคียงคู่คนรวยหล่อ
กะสิขอชิ่งหนีคนฮ่างฮ่าง
บ่หลูโตนใจผิดหวัง แนบ่คนงาม

คันเจ้าไปอีหลี อ้ายสิอยู่จั่งได๋
โลกของอ้ายทั้งใบ คือเจ้าเด้ก้อนคำ
ทุ่มลงไปทั้งชีวิตวิญญาณ
กลับสิโดนเจ้าม่างฝันถิ่มซ่ำ
ฟังอ้ายเว้าจักคำก่อนสิลาไกล

มื้ออื่น..สิเป็นนรกหรือสวรรค์
ขึ้นอยู่กับเจ้านั้น ยังอยู่หรือไป
ฟ้าสิสิ้นอับแสงมืดดำ หรือชีวิตยังมีหวังอยู่รำไร
หัวใจอ้าย อยู่ในกำมือเจ้า

เรื่องมาฮอดปานนี้ คงบ่มีหวัง
ที่สิดึงหัวใจของนางมาฮักอ้ายคือเก่า
ขอแค่เพียงบอกลาช้าลงหน่อย
พอได้ออยหัวใจเตรียมโตเศร้า
เห็นแก่หัวใจร้าว อย่าฟ้าวลาไกล

มื้ออื่น..สิเป็นนรกหรือสวรรค์
ขึ้นอยู่กับเจ้านั้น ยังอยู่หรือไป
ฟ้าสิสิ้นอับแสงมืดดำ หรือชีวิตยังมีหวังอยู่รำไร
หัวใจอ้าย อยู่ในกำมือเจ้า
ชีวิตอ้าย อยู่ในกำมือเจ้า