เนื้อเพลง บ่ตายอ้ายสิไป - แก่น ธนพล

หากว่ามื้ออื่นนี้อ้ายยังคงหายใจอยู่
บอกให้น้องได้ฮู้ว่าอ้ายสิไป
ในมื้องานเจ้ากินดอง น้องอุตส่าห์มีน้ำใจ
ฝากซองให้อ้ายเป็นเกียรติไปร่วมงาน

กะย้อนน้อว่าความหลังแล่นตำหัวอก
อกคนเป็นแฟนกันมันทรมาน
ภาพของเจ้ามื้อเขาน้อพาขวัญ ย้านอยู่เด้อตาหวาน
ย้านน้ำตาอ้ายหว่านใส่งานบุญแอว

*
ถ้ายังบ่ตายเด้ออ้ายสิไปดอก
สิเข้าไปบอกให้ฮักกันมั่นแก่น
โจมแขนผูกฝ้าย เป็นสุขขีมั่นเด้อแฟน
ให้ฮักแพงกันเหนียวแน่น ไปจนฮอดมื้อตาย

**
หากว่ามื้ออื่นนี้อ้ายยังคงหายใจได้
สัญญาว่าจังใด๋สิไปช่วยงาน
แต่มื้อนี้ยังบ่กล้ารับปาก จากหัวใจร้าวราน
ฝากอวยพรตาหวานก่อนงานล่วงหน้า

[ ดนตรี ]

| * | ** |

แต่มื้อนี้ยังบ่กล้ารับปาก จากหัวใจร้าวราน
ฝากอวยพรตาหวานก่อนงานล่วงหน้า